ဆွေးနွေးညှိနှိုင်းခြင်း

တစ်ဖက်ဆွေးနွေးသူရဲ့ ဘက်မှ ဝင်ရောက်စဉ်းစားတတ်ခြင်းနှင့် ငြိမ်းချမ်းရေး

-----------------------------------------------------------------------------


လွန်ခဲ့သော နှစ်အနည်းငယ်ခန့်က ပညာတတ်ပြည်ပရောက် မိတ်ဆွေတစ်ယောက်ကို အတိုက်အခံတွေအနေနှင့် စစ်အစိုးရနှင့် တွေ့ဆုံဆွေးနွေးရေးမှာ ပြေလည်ချင်ရင် စစ်အစိုးရရဲ့ဘက်ကိုလည်း ဝင်ရောက်စဉ်းစားကြည့်ဖို့ လိုတယ်လို့ ပြောခဲ့ပါတယ်။ ကျွန်တော်မိတ်ဆွေဟာ စစ်အစိုးရနှင့် နိုင်ငံရေးဆွေးနွေးဖို့ တောင်းဆိုနေခဲ့တဲ့ အဖွဲ့တစ်ဖွဲ့က ဖြစ်ပါတယ်။ ဒါကြောင့် ဒီလိုအကြံပေးမှုကို လုပ်ခဲ့တာပါ။

တွေ့ဆုံဆွေးနွေးရေးလုပ်တဲ့အခါ Empathy ခေါ် အခြားသူရဲ့ဘက်၊ နေရာကနေ ဝင်ရောက်စဉ်းစားမှုတွေမရှိရင် ဆွေးနွေးပွဲခက်မယ်ဆိုတာကို ကျွန်တော်နားလည်ပါတယ်။
ကျွန်တော့်မိတ်ဆွေက ကျွန်တော့်ကို ဒေါသတကြီးနှင့် တုံ့ပြန်တယ်။ စစ်အုပ်ချုပ်ရေးရဲ့ အောက်မှာ “သူတို့”သာအတောမသတ်နိုင်အောင် ခံနေရတာဖြစ်တယ်။ ဒါကြောင့် ကျွန်တော်ပြောတာကို ဘယ်လိုနည်းနှင့်မှ လက်မခံနိုင်ပါဘူးလို့ ပြန်ပြောပါတယ်။ သူဟာ နှစ်ဖက်ကို ချိန်ဆတတ်သူ၊ အစွန်းမရောက်တဲ့သူလို့သိထားတဲ့အတွက် အခုလိုဒေါသတကြီးနှင့် ပြန်ပြောလိုက်တော့ ကျွန်တော်လည်း အံ့သြသွားပါတယ်။

ဒီမှာတင် သူရဲ့စစ်အစိုးရအပေါ်ထားတဲ့ အမုန်းတရားကြီးမားမှုကို နားလည်သွားရုံတင် မကဘဲ သူဟာကျွန်တော်ပြောတာကို နားမလည်ဘူးလို့ ကျွန်တော်သဘောပေါက်သွားပါတယ်။ သူပြောလိုက်တာကြောင့် ကျွန်တော်ဟာ အဲင်္ဒီအချိန်က ဖြစ်မလာသေးပေမယ့် အနာဂတ်မှာ ဖြစ်လာနိုင်တဲ့ တွေ့ဆုံဆွေးနွေးရေးအတွက် တွေးပူမိသွားပါတယ်။

ကျွန်တော်ရဲ့ တင်ပြချက်ဖြစ်တဲ့ Empathy ဟာတွေ့ဆုံဆွေးနွေးရေးတွေမှာ အရေးကြီးတဲ့ စဉ်းစားချက်၊လုပ်ငန်းတစ်ခုဖြစ်ပါတယ်။ တွေ့ဆုံဆွေးနွေးရေးပွဲတွေမှာ တစ်ဖက်ဆွေးနွေးသူရဲ့ ဘက်က ဝင်ရောက်စဉ်းစားတတ်ဖို့ဆိုတာ အလွန်အရေးကြီးပါတယ်။ ကျွန်တော့်မိတ်ဆွေကတော့ Empathy နှင့် Sympathy (တစ်ဖက်လူကိုသနားခြင်း) ရောထွေးသွားတယ်လို့ မှတ်ယူ လိုက်ပါတယ်။

ကျွန်တော် Empathy အကြောင်းပြောရတာ အကြောင်းရှိပါတယ်။ စစ်အစိုးရ ခေါင်းဆောင်တွေရဲ့ စကားပြောဖို့ တောင်းဆိုနေတဲ့ နိုင်ငံရေးအဖွဲ့တွေမှာ Empathy ဆိုတာနှင့် ပတ်သက်ပြီး နားလည်မှုမရှိသလောက်ဖြစ်နေတယ်လို့ ခံစားမိလို့ပါ။ ဒါနဲ့ ကျွန်တော်လည်း သူ့ကို ကြိုးစားရှင်းပြပါတယ်။ ဒါပေမယ့် အလုပ်မဖြစ်ပါဘူး။

ကျွန်တော် တော်တော်စိတ်ပျက်သွားတယ်။ ဒါပေမယ့် ကျွန်တော့်မိတ်ဆွေနဲ့ ပြောလိုက်တဲ့ စကားကြောင့် Empathy ရဲ့အကြောင်းပိုလေ့လာဖြစ်သွားတယ်။ အထူးသဖြင့် ကျွန်တော်တို့ မြန်မာတွေ ဘယ်လိုနားလည်သလဲဆိုတဲ့ အချက်ကိုပေါ့။

နောက်တော့ ပြည်တွင်း၊ ပြည်ပမှာရှိတဲ့ မြန်မာတွေနှင့် တော်တော်ဆွေးနွေးဖြစ်တယ်။ ဆွေးနွေးပြောဆိုလေလေ ကျွန်တော်တို့ရဲ့ ပြဿနာတွေကက ပိုများလာလေဆိုတာ သိခဲ့ရတယ်။ အထူးသဖြင့်တော့ မြန်မာစကားမှာ၊ မြန်မာဘာသာမှာ Empathy ဆိုတဲ့စကားလုံးမရှိဘူးဆိုတာ ကျွန်တော်သိသွားတယ်။ ကျွန်တော်နှင့် စကားပြောဖြစ်ခဲ့တဲ့ မြန်မာပညာတတ်တွေ၊ ပညာရှင်တွေ ကလည်း မြန်မာဘာသာစကားမှာ Empathy ဆိုတာမရှိဘူးဆိုပြီး တညီတညွတ်ထဲ ပြောကြတယ်။

လွန်ခဲ့တဲ့ (၈) နှစ်လောက်က မြန်မာပြည်အရေးကျွမ်းကျင်တဲ့ နိုင်ငံခြားသားတစ်ယောက်နှင့် စကားအတော်ကြာပြောဖြစ်ခဲ့ပါတယ်။ အတွေ့အကြုံလည်းများတယ်၊ မြန်မာပြည်အရေးကို ရေးသားပြောဆိုနေတာ နှစ် (၄၀) ကျော်၊ (၅၀) လောက်ရှိနေပါပြီ။ သူနှင့်အကြာကြီးပြောတဲ့ တစ်ချိန်လုံးမှာ သူဟာကျွန်တော်ပြောသမျှကို နားထောင်ပါတယ်။ ဒါပေမယ့် ကျွန်တော်တို့နိုင်ငံမှာ၊ မြန်မာဘာသာစကားမှာ Empathy ဆိုတဲ့အဓိပ္ပါယ်မရှိဘူးလို့ ပြောတာတစ်ခုပဲ သူမှတ်သွားပါတယ်။

ဒီတော့ ကျွန်တော့်မိတ်ဆွေ Empathy ဆိုတာကို နားမလည်မှုက အံ့သြစရာမဟုတ်ပါဘူး။ စကားလုံးမရှိရင် အဓိပ္ပါယ်လည်းနားမလည်၊ သူ့ရဲ့စဉ်းစားချက် (Concept) ကိုလည်း ဘယ် နားလည်တော့မလဲ။ Empathy ဆိုတာဟာ တွေ့ဆုံဆွေးနွေးရေးမှာ အရေးပါတဲ့ အတတ်ပညာ တစ်ခုဖြစ်နေတဲ့အတွက် လက်တွေ့တွေ့ဆုံဆွေးနွေးရေးတွေမှာ ပိုပြီးခက်မယ်ဆိုတာ ပြောစရာ တောင် လိုမယ်မထင်ပါ။

မြန်မာနိုင်ငံသားတစ်ယောက်ဖြစ်လို့ ကျွန်တော်လည်း တကယ်တော့ တွေ့ဆုံဆွေးနွေးရေး နှင့်ပတ်သက်တဲ့ သင်ခန်းစာတွေ ကျောင်းတွေမှာမတက်ခဲ့ဘူးဆိုရင်တော့ Empathy ဆိုတာကို နားလည်ခဲ့မှာမဟုတ်ပါဘူး။ ကျွန်တော့်ရဲ့ Empathy နှင့်ပတ်သက်တဲ့ ရှင်းလင်းမှုတွေဟာလည်း တကယ်တော့ ကျောင်းစာသင်ခန်းထဲက သီအိုရီတွေပေါ်မှာ မူတည်ပြီး ရှင်းပြခဲ့တာပါ။

ကျွန်တော်အခုဒီကိစ္စကို ပြောပြတာအကြောင်းရှိပါတယ်။ ဘာဖြစ်လို့လဲဆိုတော့ ကျွန်တော်တို့ဟာ အခုအချိန်မှာ အလွန်ခက်ခဲတဲ့ ငြိမ်းချမ်းရေးလုပ်ငန်းစဉ်တွေအတွက် တွေ့ဆုံဆွေးနွေးရေးတွေလုပ်တဲ့အခါမှာ Empathy ဆိုတာ ဘယ်လောက်အထိ လိုလာသလဲ ဆိုတာကို ပိုပြီးနားလည်လာလို့ပါဘဲ။ တွေ့ဆုံဆွေးနွေးရေးတွေဟာလည်း သီအိုရီတွေ၊ စာအုပ်တွေပေါ်တင်မှာပါ မဟုတ်တော့ပါဘူး။ လက်တွေ့ဖြစ်လာနေပါပြီ။ လုပ်နေရပါပြီ။ ကျွန်တော့်အနေနှင့်တော့ ယခုတွေ့ဆုံဆွေးနွေးရေးမှာ ပါနေသူတစ်ချို့မှာ Empathy ဆိုတာ ရှိမနေဘူးဆိုတဲ့ အချက်ကိုလည်း သတိထားမိလို့ပါ။

Empathy ဆိုတာပြဿနာရဲ့ ဗဟိုချက်မကို ရောက်အောင်၊ ထိအောင် ကိုင်လှုပ်ခြင်းပဲ ဖြစ်ပါတယ်။ ဒီလိုတစ်ဖက်ရဲ့ဘက်ကို ဝင်ကြည့်တယ်ဆိုတာဟာ ပြဿနာအတွက် အဖြေတစ်ခုကို ရလိုတဲ့စိတ်ကြောင့်ပါ။ ဒီလိုရလိုတယ်ဆိုတာဟာလည်း အဖြေမရရင် ဖြစ်ပေါ်လာမယ့် ဆုံးရှုံးမှုတွေကို တွက်ဆမိလို့ပါ။

အခုကျွန်တော်တွေ့နေရတဲ့ ဆွေးနွေးပွဲတွေမှာကတော့ ပြဿနာအတွက် အဖြေရလိုတဲ့ ဆန္ဒမရှိလို့မဟုတ်သလို မြန်မြန်အဖြေရဖို့လိုတယ်ဆိုတာကိုလည်း မသိလို့မဟုတ်ပါ။ ဒါတွေဟာ အတားအဆီးမဟုတ်ပါ။ ဒါပေမယ့် အမြစ်တွယ်နေတဲ့ မယုံကြည်မှုနှင့် ရသင့်ရထိုက်တယ်လို့ ယူဆမှု (Entitlment) တွေဟာ တွေ့ဆုံဆွေးနွေးသူတစ်ချို့ရဲ့ အမြင်ကို ဖုံးကွယ်ထားသလို ဖြစ်နေလို့ပါဘဲ။ ဒါဟာလည်း နှစ်ရှည်ပဋိပက္ခကြောင့်ဖြစ်ရတာပါ။

Empathy ဆိုတာ မိမိရဲ့ တစ်ဖက်က ဆွေးနွေးသူကို နားလည်ခြင်းဖြစ်တယ်။ အဖြေရဖို့၊ အပေးအယူတွေဖြစ်ဖို့ဖြစ်တယ်။ ကျွန်တော့်အတွက်တော့ Empathy ဟာယုံကြည်မှုနှင့် မယုံကြည်မှုလိုပဲ တစ်ဖက်ထဲမသွားပါဘူး။ နှစ်ဖက်လုံးကို သွားရမှာဖြစ်ပါတယ်။

တွေ့ဆုံဆွေးနွေးရေးနှင့် ပတ်သက်လို့ စာတွေရေးနေတဲ့ ဘလော့ဂါ (Blogger) ပီတာစတာ့ခ် (Peter Stark) က ၂၀၁၂ ခုနှစ် အင်တာနက်ဆွေးနွေးမှုတစ်ခုမှာ “တွေ့ဆုံဆွေးနွေးရေးမှာ Empathy ဆိုတာ အလွန်အရေးကြီးတဲ့ အရင်းအမြစ်တစ်ခုဖြစ်တယ်။ ဘာဖြစ်လို့လဲဆိုတော့ Empathy ဆိုတာကို သုံးခြင်းအားဖြင့် နှစ်ဖက်စလုံးရဲ့ သဘောထားတွေ၊ အယူအဆတွေကို မြင်နိုင်စေမှာဖြစ်ပြီး ဆွေးနွေးပွဲကိုလည်း နှစ်ဖက်စလုံးအတွက် အကျိုးရှိစေအောင် ဆွေးနွေးကြမှာဖြစ်လို့ပါဘဲ” လို့ရေးထားပါတယ်။

တွေ့ဆုံဆွေးနွေးရေးမှာ ကျွမ်းကျင်သူတွေကတော့ Empathy ကို နားလည်ခြင်း၊ အသုံးပြုခြင်းအားဖြင့် နှစ်ဖက်လုံးကို အကျိုးရှိစေတဲ့အဖြေတွေရမှာဖြစ်တယ်လို့ ပြောကြတယ်။ Empathy ဆိုတာဟာ တစ်ဖက်လူ ဘာလိုချင်တယ် ဆိုတာကိုသိဖို့ သူ့ရဲ့အသားထဲကို ဝင်ကြည့်ရတာလို့လည်း ပြောကြပါတယ်။ Empathy ဆိုတာဟာ မိမိရဲ့ရည်မှန်းချက်ကို ရဖို့တင် မဟုတ်၊ တစ်ဖက်သူရဲ့ ရည်မှန်းချက်ဖြည့်ဖို့ကိုလည်း လုပ်ဆောင်ရတဲ့အချက်ပါလို့ ပြောကြပါတယ်။

၂၀၀၉ ခုနှစ်မှာ မာတီလတ်ဇ် (Marty Latz) က Expert Negotiator ထဲမှာရေးထားတာကို မှတ်သားဖူးပါတယ်။ သူက “သမ္မတဘုရ်ှနှင့် ကလင်တန်လက်ထက်မှာ အရှေ့အလယ်ပိုင်း ငြိမ်းချမ်းရေး သံတမန်အနေနှင့် ဆောင်ရွက်ခဲ့တဲ့ ဒင်းနစ်ရော့စ် (Dennis Ross) မှာ Empathy Rule (တစ်ဖက်ရဲ့ဘက်မှ ဝင်ရောက်စဉ်းစားကြည့်ခြင်းဆိုင်ရာစည်းကမ်း) ဆိုပြီး သူ့ရဲ့ဆွေးနွေးပွဲတွေမှာ အမြဲသုံးတာရှိပါတယ်။ အခက်ခဲဆုံး အပေးအယူတွေ၊ ဖြေလျှော့မှုတွေ ဖြစ်ဖို့(သူ့ရဲ့ Statecraft ဆိုတဲ့စာအုပ်ထဲမှာ ရေးသားထားခြင်း) တစ်ဖက်အနေနှင့် အခြားတစ်ဖက်ရဲ့အရေးကြီးတယ်လို့ ခံယူထားတဲ့အချက်တွေကို နားလည်ဖို့ပါဘဲ” လို့ရေးသားထားပါတယ်။

တွေ့ဆုံဆွေးနွေးရေးတွေမှာ Empathy ကို ဘယ်လိုသုံးရမယ်ဆိုတာတွေ အများကြီး ရှိပါတယ်။ ဒီအထဲမှာ မှန်ကန်သင့်တော်တဲ့ မေးခွန်းများမေးခြင်း၊ နှစ်ဖက်ရဲ့စိုးရိမ်မှုများကို ဖော်ပြခြင်းများမှသည် တစ်ဖက်လူရဲ့ ခံစားချက်များကို အသိအမှတ်ပြုခြင်းများအထိ ပါဝင်ပါတယ်။ တစ်ချို့ကလည်း ရိုးသားမှုဟာ အဓိကလို့ပြောကြတယ်။ တစ်ချို့ကလည်း ဆွေးနွေးပွဲတွေမှာ
တက်တက်ကြွကြွနားထောင်တတ်ခြင်း (Active Listening) တွေကဟာ Empathy ကိုအသုံးချနိုင်ဖို့ အထူးအရေးကြီးတဲ့အချက်တွေကလိုိ့ ဆိုကြပါတယ်။

ကျွန်တော်ကတော့ ကျွန်တော်တို့နိုင်ငံရဲ့ တွေ့ဆုံဆွေးနွေးရေးမှာ Empathy ဟာပိုပြီးတောင်အရေးပါတယ်လို့ ထင်ပါတယ်။ ဘာဖြစ်လို့လဲဆိုတော့ ကျွန်တော်တို့ ဒိုင်ယာလေ့ာခ် လုပ်နေကြလို့ပါ။ ဒိုင်ယာလေ့ာခ်ဆိုတာဟာ တစ်ဖက်က အခြားတစ်ဖက်ကို နိုင်သွားပြီး အကုန်ုလုံးရယူသွားတာမျိုးမဟုတ်ဘဲ နှစ်ဖက်စလုံး အကျိုးရှိစေမယ့် “နိုင်-နိုင်” (Win-Win Situation) အနေအထားကို ဖန်တီးပေးမှာကြောင့်ဘဲဖြစ်ပါတယ်။

အခုဆိုရင် ကျွန်တော်တို့ဟာ ငြိမ်းချမ်းရေးအတွက် ဆွေးနွေးပွဲတွေဟာ အထူးအရေးကြီးတဲ့ အချိန်ရောက်နေပြီ။ ဒါပေမယ့် ဖြေရှင်းစရာတွေအများကြီး ကျန်နေသေးတယ်။ နှစ်ဖက်စလုံးက အတော်လည်း နီးစပ်နေပြီ။ ဒါပေမယ့် ဒီနီးစပ်မှုတွေထဲမှာဘဲ အကွာအဝေးလေးတစ်ခု ရှိနေသေးတယ်လို့ ကျွန်တော်မြင်မိပါတယ်။ ဒါကြောင့်မို့ နှစ်ဖက်စလုံးက Empathy ဆိုတာကို ပိုပြီးဂရုထားကြရင်၊ နှစ်ဖက်စလုံးက တစ်ဖက်ရဲ့ဘက်ကို အခြားတစ်ဖက်က ဝင်ပြီးစဉ်းစားကြည့်ကြမယ်ဆိုရင် ဒီအကွာအဝေးလေးကို လွယ်လွယ်လေးနှင့်လျှော့လိုက်နိုင်မှာ ဖြစ်ပါတယ်။

ဦးအောင်နိုင်ဦးသည် Myanmar Peace Center ၏ ငြိမ်းချမ်းရေးဒိုင်ယာလေ့ာခ် အစီအစဉ်မှ တွဲဘက်ဒါရိုက်တာဖြစ်သည်။ —

from-facebook.