သရုပ်ဆောင်နေတဲ့ မော်ဒယ် မေဧကရီထူး
ဓာတ်ပုံမော်ဒယ်လ်လောကမှာ ခဏတာ ကျင်လည်ခဲ့ပြီး သရုပ်ဆောင်မှုပိုင်းကို ကူးပြောင်းလာတဲ့ မေဧကရီထူးက သရုပ်ဆောင်အလုပ်ဟာ ခက်ခဲတယ်လို့ အလင်းဂျာနယ်သို့ ပြောပါတယ်။
“အခုလောလောဆယ် အနုပညာ လှုပ်ရှားမှုတွေမှာ အပြိုင်ဇာတ်ရုပ် နေရာကနေ ပါဝင်ဖြစ်နေပါတယ်။
သရုပ်ဆောင်အလုပ်က ကျရာဇာတ်ရုပ်ကို ပီပြင်အောင် လုပ်ရတာဆိုတော့ မော်ဒယ်လ်ထက်စာရင် ပိုပြီး ခက်ခဲပါတယ်။
အနုပညာနဲ့ ပတ်သက်ပြီး ဇာတ်လမ်းတွဲ ကမ်းလှမ်းမှုတွေလည်း ရှိပါတယ်။ လက်မခံဖြစ်သေးတာပါ။ အနုပညာ ၀မ်းစာနဲ့ ပတ်သက်ပြီး အများကြီး ကြိုးစားရဦးမှာပါ။
ရှေ့က စီနီယာတွေကလည်း အားပေး လက်တွဲခေါ်ယူပါတယ်” လို့ သရုပ်ဆောင် မေဧကရီထူးက ပြောပါတယ်။
ပထမဆုံး ပါဝင်ဖြစ်တဲ့ ဇာတ်ကားကတော့ အာအီးရှီတယ်ရို ဆိုတဲ့ ဂျပန်ဇာတ်ကားလေး ဖြစ်ပါတယ်။
နောက်ထပ် ပါဝင်ထားတဲ့ နှင်းဆီတရေးနိုး ဇာတ်ကားကလည်း ထွက်ထားပြီး၊ လာဗန်ဒါ ဗီဒီယို ထုတ်လုပ်ရေးနဲ့လည်း ကားတွေ အများကြီး ရိုက်သွားဖို့ရှိပါတယ်။
အက်ရှင် အကြမ်းစားမျိုးလည်း မဟုတ်၊ ဒရာမာ အရမ်းလည်း မဆန်တဲ့ ဖန်စီပုံစံလေးတွေနဲ့လိုက်ပြီး အေးဆေးတဲ့ ဇာတ်ရုပ်လေးတွေကို သရုပ်ဆောင်ချင်ပါတယ်။
တက်သစ်စ အနုပညာရှင် တယောက်ဖြစ်တဲ့အတွက် ပရိသတ်လက်ခံနိုင်အောင် ဒီထက်အများကြီး ပိုကြိုးစားသွားမှာပါ။
ပရိသတ်ကြီးကလည်း အနုပညာ ခရီးလမ်းမှာ အောင်မြင်အောင် အားပေးကြပါလို့ သရုပ်ဆောင် မေဧကရီထူးက ပြောပါတယ်။
No comments :
Post a Comment